開倉賣嘅貨品說明係有分停產貨﹑陳列品，或者使用過﹑開過箱的。但係我開箱發現部吸塵機仲係好新淨，配件齊全，包裝同新嘅冇乜分別，係機背插吸頭位置刮花左幾條痕，相信係陳列時俾人攞來睇，插來插去刮花的，但問題不大。
先說說產品資料：米白色，2000watt摩打，6 種吸力模式。標準刷頭，用來清潔地毯或硬地板；不銹鋼伸縮吸管，手柄有排氣孔，方便吸塵時遇有閉塞可即時減少吸力；電線11米長，基本上香港家庭無可能唔夠長用；有過熱保護，即時停機。
打開吸塵機機身，裏面仲有三個吸頭，覺得咁樣收納吸頭好整齊，吸塵隨時想換吸頭都好方便。
睇下跟機各樣配件： 不鏽鋼伸縮吸管，重量比較重，果然係工業強國-德國嘅出品！ 軟膠吸管，手柄部分弧型設計，揸得好順手，仲有排氣孔喺手柄位置，方便隨時打開排氣孔減少吸力。 標準吸頭有啪啪掣，可以按使用需要，伸縮毛刷。 吸頭連接吸管的部分（紅剪咀），做咗個關節位，方便吸塵時調較角度，而且有滾輪（藍剪咀），吸地板時更順暢。
開始組裝吸塵機。
組裝完成！開機試下吸地板先！ 開最大功率第六個模式來吸地板， 2KW 的功率，吸力真係唔野少，感到啜實個地板，所以滾輪幫助很大，而且，除咗吸頭覆蓋範圍會吸到塵，週邊1cm沒覆蓋位置的塵埃，也會在四周被吸入。
吸塵機打橫放時，吸管可以插在機身背脊，吸塵機不用的時候，又可以打直放，吸管插在機身側邊。估唔到插蘇頭都係product of Australia, 而且11米線成架巴士咁長，真係拉去邊度吸都得到，一般香港家庭都夠用，關機撳掣捲線時，捲縮速度超快！
狗毛為患，試下吸最嚴重嘅 fleece外套。 本來全件衫都是狗毛，但吸完後，狗毛數量明顯少了很多，太好了！可以吸走大部分狗毛後，才放進洗衣機內洗，這就不怕狗毛令洗衣機濾網阻塞。
睇下塵袋同過濾器，過濾系統先經藍色格網位置吸入，然後從黑色格網位置向上噴出。 塵袋見到藍色圓形口，是個活門，可以防止塵埃在拆塵袋時飛出。GN塵袋，容量頗大，而且本身製造有嚴格要求，九層不同物料組成，可以隔絕塵埃細菌和異味從袋內散出，特別之處是有一些白色條狀物在袋內平均分佈，用來纏著塵埃毛髮等，防止污物過份集中在塵袋較後位置，影響吸力，毛髮塵埃也被條狀物纏著，不易散出。加上藍色活門密封，在吸滿後拿出來，見到塵袋脹卜卜，密氣能力相當強，所以不會一邊吸一邊散塵出來，吸完真係覺得比以前舊的吸塵機乾淨。不過我屋企實在太多狗毛，所以會阻擋吸塵機吸力，吸了三次後吸塵機已顯示滿載，要更換塵袋。
雖然這部Miele Cmplete C3 Powerline 是舊型號，但希望上面資料給大家選購吸塵機時作有用參考。
免責聲明: 本文章內容屬個人意見及感受,並不代表該品牌之言論及立場,如需協助或希望獲得更多有關產品資訊, 請直接聯絡該品牌查詢
歡迎邀稿，合作試用，出席活動，產品推廣
Email : doraemonying@hotmail.com
Facebook Fan Page: https://www.facebook.com/dorischandiary/
Instagram:
Blog links:
http://blog.ulifestyle.com.hk/blogger/doraemonyinghttps://dorisying.blogspot.hk/
