東海薈•拉斐特@皇室堡，開幕啦！

東海飲食集團旗下的酒樓，係我最喜歡嘅中菜廳之一，飲早茶、下午茶、晚飯，食物通通都係精美、新鮮、有質素，我同屋企人都係佢嘅忠實fans。今日去咗銅鑼灣皇室堡，出席「東海薈•拉斐特」嘅開幕禮，太好了，又多一家分店，放便我地「揾食」。

見到皇室堡的東海薈•拉斐特，覺得作為婚宴場地都不錯。有180維園景觀，仲望到維港，可以筵開三十八席，地方大，景觀靚！

今日開幕仲介紹咗啲婚宴餐單，原來東海薈拉斐特創新做咗個懷舊婚宴菜，俾啲老人家佢哋年輕時後冇正式做過一個婚禮，可以再感受一下真正嘅婚禮喜悅。當然年輕夫婦都可以考慮嚟呢度擺酒。

向外望到海景和寬廣的維園綠化空間，感覺特別心曠神怡呢！

大會仲請咗四位星級嘉賓嚟介紹懷舊婚宴菜，有胡楓、羅蘭，由佢哋嚟講懷舊婚宴，真係特別貼切；仲有陳瀅、張子丰兩位年輕 一代，分享 一下甜蜜婚宴構思。

全新「延續浪漫‧愛無限」銀禧婚宴宴會服務，懷舊婚宴菜式是重點推介，相信年輕一輩都未食過，我都好想試下呢！除左為長輩舉行結婚紀念， 陳瑩同張子丰都好想喺度舉辦婚宴，被呢度嘅環境氣氛吸引住呢！

難得有機會品嚐舊婚宴菜，一定要試下啦！彩鳳築新巢，呢個名好有意思！婚宴菜式真係特別講究意頭！用炸米網造成的鳥巢，上面放上炒好的帶子、夏威夷果仁、蝦仁和甜豆，味道清新又爽口，就像一對新人，雙宿雙棲打造新生活一樣！現時的婚宴已經食唔到啦，要食真係要來東海。

食嘅時候記得將炸米網敲碎嚟食。其實以前正宗的做法，是芋頭炸成的網，現時講究健康，廚師也花心思地改變了一下，用米網炸成。 我喜歡這裏的食材新鮮，甜豆非常清甜，帶子又大粒又厚肉，完全交足功課。

金錢炸蟹盒， 外面係雲吞皮，包住手拆蟹肉，同埋鮮蝦滑炸成的，賣相非常討好。金黃色的皮脆，裏面好香蟹肉味。蝦滑也爽口彈牙，中間伴著沙律菜，平衡一下油炸的口味。

咬開裏面係份量十足的蟹肉，非常鮮甜，蝦滑味道也很香甜彈滑，就像是炸海鮮盒一樣。

花膠瑤柱羹，我超喜歡呢！因為裏面的瑤柱爽口有嚼勁，而且湯味香濃，原來是廚師經過七小時以上，以多種材料淆製而成。

裏面還有雞絲、花菇等等，主角花膠份量也不少，煮到溶晒在湯裡，吃得出的滑嘟嘟，很滋補。

茄汁煎大蝦，以前嘅年代，大蝦係好矜貴嘅食物，真係大時大節、特別日子先有得食。

每隻大蝦都挑了蝦腸，而且新鮮又爽口，茄汁酸酸甜甜，好開胃！好味啊！

明爐琵琶鴨， 唔好以為係普通燒味，原來都要由大廚用特別醬料醃製過，風乾後才烤出來。

真係皮脆肉嫩，琵琶鴨的皮很薄，但十分香脆，也不覺肥膩，肉質很滑，烤得火喉剛好，而且啖啖鴨肉香，好味啊！

最後來個美點雙輝作結， 我哋見到有笑口棗同千層糕，超開心！因為好耐未試過有婚宴菜式可以食到笑口棗同千層糕啦！味道非常好！千層糕嘅蛋黃，香氣四溢，軟綿又溫暖；笑口棗鬆化香脆，真係食到笑口常開呀！


皇室堡東海薈•拉斐特嘅開幕禮，真係好精彩啊！有嘉賓分享，又有咁靚嘅地方影相打卡，試到咁美味嘅懷舊婚宴菜，真係好開心又大開眼界！呢度食物保持東海一貫作風，食材要新鮮，煮法要用心，物有所值。有機會我都要來搞個結婚紀念宴會呢！

多謝東海邀請出席活動。


免責聲明: 是次出席活動由品牌提供, 本文章內容屬個人意見及感受,並不代表該品牌之言論及立場,如需協助或希望獲得更多有關產品資訊, 請直接聯絡該品牌查詢


歡迎邀稿，合作試用，出席活動，產品推廣：doraemonying@hotmail.com
Facebook Fan Page: https://www.facebook.com/dorischandiary/
Instagram: https://www.instagram.com/dorischan79230/

Blog links:

http://doraemonying.theztyle.com

http://www.beautyexchange.com.hk/blog/doraemonying

https://blog.she.com/doraemonying

https://blogs.elle.com.hk/dorayinggy

https://blog.ulifestyle.com.hk/blogger/doraemonying

https://dorisying.blogspot.hk/

https://talk.cosmopolitan.com.hk/doraemonying/