平時使用護膚品化妝品就多，但係化妝小物其實都係必需㗎！
今次試用Straw 保濕海綿棒 拍拍樂，覺得好舒服好得意，可以自家做到面膜效果，要介紹下俾大家先！
將海綿拍拍樂用水浸軟佢，本來係硬硬的，但濕水後大約一分鐘就會變成粉撲咁軟綿綿。
將佢揸乾水分，之後再到爽膚水上去。
然後在面上輕輕拍打就可以做到保濕效果㗎啦！傳說話拍打100下就等如自己做咗個保濕面膜唔知係唔係呢？等我示範下畀大家睇啦。
海綿拍拍樂，拍上面上嘅感覺超舒服，海綿好柔軟，加咗爽膚水之後，涼浸浸的，本來好頭痛又精神緊張，拍完感覺放鬆晒，好治癒！
除咗用拍嘅方式都可以用提拉嘅手法幫眼角，法令紋做提升同按摩，我仲利用佢圓邊嘅一面拍打埋鼻翼位置，咁就可以全面360度全部都拍到水分。
幫塊面按摩之餘，心情都好放鬆，本來做嘢做到好頭痛都覺得輕鬆曬！唔怪得叫拍拍樂啦！我拍咗大概三分鐘已經超過100下，大家睇下效果，拍完成塊面真係好水潤好有光澤，真係好似做完個保濕面膜咁！
最重要係好舒服，一邊睇電視一邊拍，可以善用時間呢！佢性價比高，只售港幣38元，每次用完清潔後吹乾佢，可以重複多次使用，真係好抵玩，大家有興趣可以試下。
Straw 保濕海棉棒 拍拍樂
香港正品分銷商 Instagram： @myprincessyoyo
微博： @MyPrincess我的公主美妆-香港
產品試用由Straw香港代理商提供
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,如需協助或希望獲得更多有關產品資訊, 請直接聯絡該品牌查詢
歡迎邀請試用及出席活動：doraemonying@hotmail.com
Facebook Fan Page: https://www.facebook.com/dorischandiary/
No comments:
Post a Comment