環境真係好粉紅少女風！喺商場裏面，有個開放式餐廳，感覺特別開揚而且輕鬆。用咗啲氣球同埋圓形波波燈裝飾，好啱搞派對慶祝生日。少女談心都非常適合呢！
餐牌就這三頁，前菜、小食、主菜、飲品等，都好清楚地列出食物材料， 就算改咗個特別啲嘅名，大家都可以知道係咩食物嚟嘅。
我們點咗三個主菜和兩杯飲品試下先。
香烤焦糖黑醋豬肋骨配和風柚子沙律和薯條$118
豬肋骨已經煮到好淋，外面有焦糖抹著烤，味道不是BBQ味，因為加了黑醋，令烤過的豬肋骨不會太乾身，汁多肉滑，香口感不多，反而有點像糖醋排骨味道。這就是Girlboss by Master Kama的fusion力量！
和風柚子沙律，味道很不錯！因為也下了黑醋，而且有青瓜粒，加上沙律菜新鮮，食完口腔清新，配焦糖黑醋豬肋骨一起吃，中和濃味，很相配呢！薯條方面，原來是混合了蕃薯條和普通薯條兩款，我比較喜歡食蕃薯條，因為是特別香甜的。
龍蝦包$148, 可選沙律或薯條，我揀咗沙律， 因為呢度啲沙律菜真係幾新鮮，食多啲蔬菜，增加膳食纖維也不錯。
麵包質地好鬆軟， 比起厚多士還要鬆化，非常好味！裏面切開中間，夾著沙律醬和龍蝦肉，因為有沙律醬和蔬菜的關係，不會覺得肥膩。龍蝦肉新鮮爽口又香甜，原來與麵包夾著一起吃，口感特別爽！這個fusion菜十分有創意呢！
香草烤雞鮮茄忌廉扁意粉$88, 除了香草雞肉，上面還灑了一片片的芝士。
雞肉有六片，也不算少了。 雖然用香草烤過，味道也不算特別香濃，屬於清淡味道的雞肉。肉質 比想像中要爽口，不會太乾。番茄醬忌廉意粉側非常有口感，意粉沒有煮得過淋，吃起來煙煙韌韌，番茄醬不會太酸，加上芝士片越吃越香，吃完也不會特別口乾，連平時不吃蕃茄醬的朋友也大讚不錯！
最後試一試他的特式homemake飲料。巧克力可樂$48, 一定要伴匀忌廉和可樂才開始喝，否則可樂的味道和朱古力忌廉的味道完全分開，就吃不出這個飲料的特色， 原來朱古力忌廉溝可樂，會變成朱古力梳打，但味道會更加香甜一些，有四粒可樂軟糖在杯面裝飾，真的很有創意，兒時回憶返曬嚟。
白桃味紳士茶(烏龍茶) $45, 味道清甜，白桃味是我的至愛，喜歡他有夏日清新氣息，微微甜味，茶也可以消除油膩。烏龍茶茶味香，但不會太濃，很適合我這些喜歡清淡味道的人，而且杯底有桃味的蒟蒻粒粒，粉橙色很吸引，真的很有少女味！
這裏的環境真的很適合談心或開派對，相信一眾女士們都會喜歡在這裏飯聚， 埋單$492,人均消費二百多元一位還可以接受。
No comments:
Post a Comment