東海大閘蟹宴好有新意！

話說一年一次食大閘蟹嘅時候又到了，約埋屋企人去咗東海酒家，喜歡佢有個「大閘蟹•淺嚐」套餐，有七道菜，每位$398,價錢不算貴啊！

還有一個大閘蟹盛宴，不過我哋人少，都係叫淺嚐套餐抵食啲。 另外仲見到時令大閘蟹小菜，都好吸引， 於是加多個生拆蟹粉扒豆苗，時價，今日嘅價錢係$280,可以接受。

先上蟹粉小籠包， 一籠有兩隻，是一位的分量，見到裏面的湯汁皮薄餡靚！

咬開裏面，湯汁熱騰騰要噴出嚟真係超多湯 蟹粉味超濃！ 不用點醋，就咁食原汁原味已經好香甜。食完小籠包，就想即刻食大閘蟹，期待蟹膏蟹肉的香！

東瀛花菇螺頭燉雞湯，上桌時還是熱辣辣的，湯味超級濃郁，已經燉出螺頭、花菇和雞肉的香味；花菇超大粒厚肉，吸收晒燉湯的味道；每碗湯都有上述三種材料，有得飲又有得食，絕對是飲中湯的享受，好好味！

食大閘蟹啦！上桌時還是熱辣辣的，要慢慢拆蟹；呢度服務好好，如果你唔識拆蟹，職員可以幫你快手地拆蟹。

大閘蟹每隻約四兩重，不算大隻，拆開蟹膏還可以，蟹膏新鮮的黃油香，睇見就流口水了，蟹肉也很嫩滑鮮甜。 食用大閘蟹最緊要有品質驗證，因為怕來源不明的大閘蟹受到污染，不宜食用；而這是東海酒家從江蘇新鮮運到的，也通過了品質檢驗，所以可以安心食用。 每人吃兩隻大閘蟹，份量已經很足夠了。

濃湯淮山浸時蔬， 雖然沒有蟹肉，就是要在吃完大閘蟹後清一清口腔。這道菜看似清淡，但實質湯味濃郁，菜心非常鮮甜，嫩口冇渣，淮山也非常爽口，這樣的配搭很有創意呢！

生拆蟹粉蒜蓉包，每位兩件，我們三人，就將份量一起上。見到蟹粉的砂鍋還在滾起的，是職員上桌前把蟹粉再翻滾一次，熱騰騰的配蒜蓉包一起吃，香味份外濃郁，而且還有蟹肉絲在裏面，這個菜式成本相當高，感覺像多吃了半隻大閘蟹呢！

酸辣湯手打烏冬，非常好味！係上湯加辣椒醋，多酸小辣。手打烏冬非常煙韌，浸耐咗都唔會淋，推介！

另外加的生拆蟹粉扒豆苗，見到咁多蟹粉，超驚喜！又覺得食多咗半隻大閘蟹咁。豆苗本身價錢貴，但這裏的豆苗更加鮮嫩，是豆胚，沒有菜莖，只得嫩葉，份量也很大碟。今天的時價是$280,可以接受，食材真的上盛，味道好。鮮甜幼嫩的豆苗，配蟹粉增加香味和口感，超正！非常推介！

最後是甜品，薑茶湯圓。薑茶味道微辣，甜度淡淡的非常適中，因為還有黑芝麻湯圓的甜味配合，甜度就很夠了，喝完令喉嚨很舒服，整個人都溫暖了，秋冬吃最好不過。


總結，呢餐蟹宴雖然是淺嚐，但菜式非常有創意，交足功課，蟹粉充滿著整道菜式，$398一位其實價錢不算貴了。不過時令菜式，供應時間有限，只到12月16日，睇下有冇機會再約多啲人，再食個大閘蟹盛宴！